Coordenadora Projetu GGP Embaxada Japaun Visita Darulete

Coordenadora Projetu GGP sigla ingles (Gressroot Grant Program) Embaxada Japaun. Sra. Yuka Mamekoshi visita fatin projetu Bee-Moos, Suco Darulete, Posto Administrativo Liquica, municipio Liquica iha loron, 11 Julho 2019. Visita ofisial ida ne’e nu’udar kontinuasaun husi relatorio auditoria ne’ebe haruka ona ba Embaxada Japaun iha loron 28 Junho 2019. iha vijita ofisial ne’e coordenadora GGP husi embaixada Japaun ne’e  akompaña husi Director Aplimentec, Sr. Nuno Miguel hahu halo inspesaun no observasaun husi bee-matan no capturing. Hafoin remata  ba observasaun bee-matan, Coordenadora GGP ne’e kontinua halo inspesaun ba konstrusaun no instalasaun linha transmisaun hahu husi bee-matan mai to’o Tanki Ferocment 10 m2 besik iha bee-matan. Sra Yuka halo inspesaun detallu  hodi observasau direita ba  resultadu konstrusaun ne’ebe Aplimentec ho komunidade halo ona. 

Husi tanki ferocement, Sra.Yuka kontinua halo inspesaun ba linha transmisaun husi bee-matan ba to’o Tanki Reservoir 30 m3 iha Escola No 8 Kailema. Iha ne’eba mos ekipa GGP ho kuidade halo observasaun no kontinua halo kedas inspesaun ba konstrusaun foun Ferocment 15m2.Hafoin remata inspesaun, Sra.Yuka halo sorumutu ho komunidade. Partesipa iha enkontru ne’e inklui Administrador Posto Liquica, Sr. Rogerio dos Santos, SDF Liquica Sr. Filomeno Hale, Chefe Suco, Comandante Darulete, Chefe aldeia no komunidade.

Iha enkontru, ne’e  Sra.Yuka lori  embaxada Japaun nia naran hato’o parabens no agradesementu ba komunidade ne’ebe simu ona programa GGP. Sra Yuka hateten katak, Aplimentec Foundation halo ona progressu servisu ne’ebe diak tebes. Mesmu hasoru difikuldade oioin, maibe sira la halai ses maibe kontinua resposabiliza sira nia servisu hamutuk ho komunidade. Tanba ida ne’e, Embaxada Japaun hakarak tebes atu kongratula Aplimentec Foudation ba nia esforsu tomak.

 Antes remata sorumutu ne’e Coordenadora GGP ne’e mos husu ba komunidade atu apoiu nafatin programa GGP. Tanba programa ne’e lori benefisiu ba komunidade rasik, inklui labarik sira ne’ebe eskola iha Kailema. Nia akresenta tan durante ne’e kolaborasaun no komunikasaun Aplimentec ho komunidade lao positivu tebes. Nia husu atu parte rua atu mantein koordenasaun servisu atu finaliza lalais programa ida ne’e iha fulan Agusto nia laran. Nune’e programa bee-moos ne’ebé bele intrega ona ba komunidade iha fulan Setembro 2019 hafoin inagura.