Fundasaun Aplimentec (Aplikasaun Dezenvolvimentu Tecnologia) remata ona programa fisiku Konstrusaun Sistema Bee-moos iha Suco Darulete, Posto Administrativo Liquica, municipio Liquica.
Programa ne’e rasik hahu iha loron 1 Febereiru 2019 no remata ona aktividade konstrusaun fisiku iha loron 29 Agusto 2019. Projetu ne’e rasik hetan apoiu husi Embaxada Japaun liu husi Programa GGP ba tinan 2019.
Tuir Director Aplimentec Foundation, Sr. Nuno Ximenes, iha tempo badak, Fundasaun Aplimentec sei haruka karta ba Auditor Dili Business Solution hodi halo auditoria ba fatin Projetu. Auditoria ne’e sei haree ba parte rua, hanesan auditoria fisiku no auditoria finansa.
Tuir Nuno, auditoria ne’e importante tebes tanba atu hatudu transparansia aktividade hotu ba doadores, liuliu Embaxada Japaun. Husi Embaxada Japaun rasik hatene ona katak, programa ne’e sei remata iha iha fulan Agusto nia laran tuir planu ne’ebe Aplimentec informa ba sira. Tuir planu, Aplimentec mos sei haruka karta ba Embaxada Japaun hodi informa progressu hotu ne’ebe implementa ona.
Tanba ne’e hahu husi loron 3-10 Setembro 2019, Consultant Dili Business Solution sei ba halo auditoria tuir relatorio ne’ebe mak Aplimentec Foundation relata ona ba sira. Tuir programa ne’ebe mak iha, Sistema Bee-Moos iha Darulete sei inagura iha loron 25 Setembro 2019 husi Embaxador Japaun no autoridade lokal municipio Liquica.
Fundasaun Aplimentec (Aplikasaun Dezenvolvimentu Tecnolojia) hanesan organizasaun ida ne’ebe mak hari’i iha loron 23 fulan Maiu tinan 2002, ne’ebe ho...
Coordenadora Projetu GGP sigla ingles (Gressroot Grant Program) Embaxada Japaun. Sra. Yuka Mamekoshi visita fatin projetu Bee-Moos, Suco Darulete, Posto...
Aplimentec Foundation received contract with DWASH for implementing Integrated WASH-NRM projects at Sub district Lacubar and Barique, district Manatuto. The...
