Diretor Aplimentec realiza enkontru hamutuk ho PN-BESITL.

Fundasaun Aplimentec (Aplikasaun Dezenvolvimentu Tecnolojia) hanesan organizasaun ida ne’ebe mak hari’i iha loron 23 fulan Maiu tinan 2002, ne’ebe ho ninia programa ida kona-ba fornesimentu Be’e, Sanemantu no Ijiéne ba komunidade iha areas rurál, tamba ne’e liu husi Plataforma Nasional Be’e, Saneamentu no Ijiéne Timor Leste (PN-BESITL) konvida Director Aplimentec hodi realiza enkontru hamutuk ho PN-BESITL, hodi tau hanoin hamutuk  ba preokupasaun komunidade nian kona-ba assuntu Be-e, Saneamntu no Ijiéne ne’ebe mak realiza iha Edifisiu wateraid, Bairos dos Grilhos, sexta-feira 11 Juño 2020

Sorumutu ida ne’e  sai hanesan  kontinuasaun ba sorumutu ne’ebe mak durante ne’e hala’o tiha ona iha Edifisiu HAK,  Segunda-Feira loron 8 fulan ne’e.

Objetivu husi sorumutu ne’e hodi halo revijaun ba Submisaun no tau hanoin hamutuk hodi hare Submisaun ne’ebe mak PN-BESITL prepara ona tamba ne’e PN-BESITL konvida Organizasaun Naun Govermental (ONG) hirak ne’ebé mak tau matan Espesífiku ba assuntu Be’e, Sanementu no Hijiene, hodi halo revijaun hamutuk

Iha enkontru ne’e mos PN-BESITL aprejenta kona-ba dadus komunidade iha Timor laran tomak ne’ebe mak seidauk asesu ba Be’e, Saneamentu no Ijiéne liu husi dadus  Joint Monitoring Program sigla  Ingles (JMP) tinan 2019 nian, komunidade hirak ne’ebe mak asesu ona ba Be’e moos hamutuk 78% ne’e fahe ba parte rua mak, iha area Urbana atinji 98% no iha área rurál atinji 70%, no mos dadus husi komunidade ne’ebe mak hetan ona Sanementu Baziku iha teriroriu Timor Laran  tomak hamutuk  54%, iha área Urbana iha Timor-Leste atinji  74% no iha area rurál atinji 44%

Director Aplimentec, Nuno Miguel Ximenes, mos hateten atu proteje Be’e ita tenke kuda ai oan  iha área Be’e matan nian hodi nune’e bele proteze be’e matan husi tempu bai loron.

“ wainhira koalia kona-ba Be’e ita mos la bele hare liu oinsa ita atu dada Be’e ka halo intalasaun ba kanu deit, maibe ita mos tenke dejenvolve ita nia hortikultura hodi kuda ai oan ba iha área be’e matan nian atu nune’e bele proteje Be’e maran iha tempu bai loron” hateten Nuno

sosiedade sivil hirak ne’e mos sei kolabora hamutuk ho Ministeriu Obras Pública (MOP), Diresaun Geral Agua no Saneamentu (DGAS), Programa Nasional Dezenvolvimentu Suco (PNDS),NGO internasioanl sira iha Timor Leste ne’ebe hala’o programa implementasaun Be’e moos no   mos parte relevante sira ne’ebe mak hare liu ba Be’e no saneamentu tantu iha Munipio no kapital hodi konfirma dadus ba komunidade hirak ne’ebe  durante asesu ona ba Be’e no Saneamentu Baziku.

Tamba programa politika governu nian kona-ba prevensaun COVID-19 hare husi parte seluk, komunidade iha área rural barak mak seidauk asesu ba Be’e, Saneamentu no Ijiéne, liu-liu oinsa  ema ho Defisiente nia preokupasaun ba prevensaun iha tempu COVID_19 ida ne’e nia laran, ba asesu Be’e, tamba ne’e sosiedade sivil sira realiza sorumutu hodi tau hanoin hamutuk atu bele hato’o preokupasaun komunidade sira nian iha area rural no urbana ba parte relevante hodi bele hare ba problema ne’e.

Iha Partisipasaun ba enkontru ne’e mak, Fasilitador Advokasia (PN-BESITL), Program Menejer FHTL, Diretora GFFTL, Director Aplimentec, Reprejentante HAK, KHC, PERMATIL, nos mos reprejentante  Water aid.

Media APL