Estudante Husi Universidade Nasional Timor Lorosa’e (UNTL) Departemento Engenaria Informatika ne’ebé mak durante ne’e hala’o estudo pratika iha Fundasaun Aplimentec kompleta ona data estajio iha Fundasaun Aplimentec hahú husi loron 11 fulan Agusto -11 fulan Setembro.
Director Aplimentec, Nuno Miguel Ximenes, agradese ba Dosente UNTL ne’ebé mak fo fiar ona ba Funasaun Aplimentec hodi haruk ona ninia estudante mai hala’o estudu pratika iha Fundasaun.
“Hau agradese ba Dosentes UNTL ne’ebé mak fo ona fiar mai Fundasaun Aplimentec hodi haruka ninia estudante ida mai estajio iha ami nia fatin maske ho tempu ne’ebé mak limitadu tebes maibe durante nia mai ami nia fatin nia ajuda ona ami, maske ami la hanorin buat barak ba nia tamba tempu fulan ida limitadu tebes, maibe bainhira deit nia hakarak aprende odamatan Aplimentec nafatin nakloke ba nia” dehan Director iha Edifisio Aplimentec Bemori.
Iha Fatin Hanesan Estudante estajiada, Anadelia B.Moises mos hato’o liafuan agradesimento no husu perdaun ba estrutura Fundasaun Aplimentec hotu antes hakat ain husi edifisio Aplimentec.
“Hau agradese tebes tamba durante ne’e hau mai estajiu iha Aplimentec ne’e imi simu hau ho diak maske hau nia tempu limite tebes atu aplika buat barak iha fatin ne’e ka halo buat barak maibe hau koko halo buat balun ne’ebé hau hatene hau halo ona, maske la konsege halo buat balun ne’ebe planu ona, atu hakarak hala’o maibe tamba hau nia tempu estagiu mak limitadu tebes, no hau husu desklpa karik durante hau hamutuk ho imi hau nia hahalok ruma la monu imi nia laran hau husu deskulpa” Delia agradese
Tuir Dosente Departemento Engenaria Informatika, Adistritis Hornai Informa katak estagio ne’e hanesan estudu pratika ida ba Estudante sira hotu ne’ebé mak durante ne’e aprende deit teoria iha eskola tenke halo estagio iha instituisaun ka ministeriu atu sira bele pratika sira idak-idak nia koñesemento kona-ba materia ne’ebe sira aprende durante ne’e.
“Estagio ne’e hanesan pratika ida ba estudante sira atu pratika sira nia koñesimnetu ba teoria ne’ebé mak sira hetan durante iha tempu aprendizajem nia laran, hodi bele pratika iha fatin ne’ebé sira estagio ba, dalaruma klalaok servisiu profisionais iha instituisaun ka ministeriu diferente ho area ne’ebé sira hetan, maibe liu husi estagio hodi sira bele aprende kona-ba klalaos servisu profisional nian” Dosente Afirma.
Entretantu serimonia entrega sertifikadu ne’e hetan partisipa husi dosente UNTL departemento Engenaria Informatica, Fundador Fundasaun Aplimentec no estrutura membru Aplimentec hotu.
Media APL
Program Manajer GGP Embaixada Japão, Akuing Soares Lay, fundasaun Aplimentec, no autoridade Aldeia Hatuconan, Suco Laco-Mesak, Posto administrativu Laclo, Municipio...
Program Manajer GGP Embaixada Japão, Akuing Soares Lay, akompaña husi Director fundasaun Aplimentec, Nuno Miguel Ximenes no autoridade local Aldeia...
Workshop nasional Involvimentu komunidade Auditoria sosial ne’e hanesan prosesu ida ne’ebé apoio sidadaun sira hodi monitoriza ba prestasaun servisu Governu...
Diskusaun público ne'ebé mak realiza husi Plataforma Nasional Bee Saneamento Timor Leste (PN_BSTL) ho tema " Dalan Ba susesu implementasaun...
